泰金國 (已搬遷) 新店位置

母親節到處都係人，一早6:30就去排隊等入去，等左15分鐘就可以入去啦，地方係細，坐得唔係好舒服，枱與枱之間空間不多，枱又細，但因為我覺得呢間系九龍城最好食嘅泰國菜，所以點我都會嚟食😂食到730，已經見到好多人係出面排緊隊，心諗好彩早啲到。。。冬陰公湯，有分大同細，2-4人飲細都ok,味道酸酸辣辣好入味，而且非常足料，有3，4隻蝦添👍燒豬頸肉，一般般，冇乜特別燒牛肉，呢個係我其中一個最期待嘅送，好少泰國菜有呢樣餸，牛肉味濃，軟軟林林，配埋個汁，少少辣好滋味👍👍👍燒雞翼，呢個係我第二個必叫嘅餸，燒得岩岩好，雞翼又醃好入味，我見每一台客人都有叫✌🏻✌🏻✌🏻咖喱蟹，隻蟹應該系肉蟹，好大隻好多肉，而且好新鮮好鮮甜🥰咖喱汁撈飯可以食2碗！