川淮居 (已結業)

因為母親節當日約唔齊人所以我哋提早咗慶祝，媽媽鍾意食上海菜所以就揀咗呢間。依家係美心集團旗下嘅你見到成層都係美心嘅餐廳。見到佢門口貼住片皮鴨嘅海報忍唔住都叫返半隻黎試吓。其實佢嘅菜式都唔錯，但唔知點解我叫咗個拔絲蘋果，我完全見唔到任何拔絲，根本呢佢凍左硬都咬唔開。仲有碟上海粗炒，我一路漏單，到我哋都食緊甜品嘅時候佢先拎黎。最搞笑係個片皮鴨嘅麼麼，其實一早都知佢係喺工房度做好晒拎過嚟整返熱。但我冇諗過個侍應就咁將成個包裝拎上枱，係我面前就咁用手搣開放返入個蒸籠度。大佬美心集團咁嘅服務，咁嘅食物質素，但係咁嘅價錢我就覺得唔太合理。