海港酒家

營業中

休息中

因為母親大人生日，所以專誠去海港酒家食生日飯。海港酒家都算我哋屋企嘅最愛既酒家。食物質素唔錯，價錢亦都OK，比其他連鎖酒樓較為出色。海港酒家出名燒鵝，所以當然一定要叫一隻嚟食。燒鵝皮多薄，肉質夠嫩，唔會鞋。另外佢嘅醬汁好惹味，超級濃郁，不愧為馳名燒鵝。不過另外個蝦伊面就比較遜色，味道唔夠濃郁，另外賣相都不夠美觀，不過勝在啲鮮蝦都夠爽口。蒸魚我哋叫咗龍躉，肉質好滑，配以薑蔥一啲都唔腥。蒸得啱啱好，蒸魚最怕過火，但佢依然保持肉質鮮嫩，再淋上油，送飯一流。