高流灣海鮮火鍋 (已搬遷) 新店位置

點解可以每一樣野都好食嘅????星期一6點左右黎到唔洗等位，一黎到已經放好左調味料，不過其實啲野好食到唔洗點，已經好正叫左個蕃茄魚湯，湯底有啲娃娃菜，蕃茄薯仔，馬蹄，粟米。響鈴新鮮炸，可以即食，仲有個甜甜酸酸嘅醬點 好怕啲酒樓炸響鈴有油益味，呢間一啲都冇，可以放心食。金鼓魚刺身，配泰式醬汁好flesh，食完刺身仲可以將啲魚嘅骨做椒鹽，一魚兩食牛肉新鮮。蝦肉水餃粒粒飽滿。手打墨魚丸入面有墨魚顆粒，彈牙得黎有咬口。脆肉鯇腩又新鮮，醃得好入味，又夠爽。 貴妃蚌淥幾下就食得夠肥又夠靚總括黎講，個湯底靚，煮咩都好好食。