小火焰韓式咖啡廳 (金山樓) (已結業)

每個星期日都係阿媽放假嘅日子，所以我一定會叫外賣。平時叫開咩外賣，媽媽都唔滿意，仲會喺度話唔好食，但係今次叫咗呢一間佢食到舔舔脷，仲講之後都可以成日叫🤣🤣🤣。韓式甜辣年糕炸雞呢個炸雞真係不得了！嗰醬真係好有韓國嘅感覺！而且仲有年糕添，感覺唔會太辣，甜辣適中。不過對小朋友來講可能就唔太合適。我會建議小朋友可以食蜂蜜提子脆米炸雞！呢個上次叫過都唔錯㗎！拉絲芝士BB豬肋骨伴白飯呢個豬肋骨BB就一般般啦，可能因為我係外賣自取，返到屋企已經唔係好熱。味道一般建議可以食下其他。泡菜雞腿肉拌飯好味又抵食！印象中佢唔貴先$58 ，但係夠味份量又大，啱晒我呢啲重口味又大食嘅人啊🤣🤣熔岩芝士炸雞麵包呢個我已經睇咗好多次相，真係好想叫！前幾次都冇呢一樣，今次比我見到有得嗌，馬上叫返一個！呢個真係唔會令人失望，啲芝士包冇得輸。