Orange Elephant Thai Restaurant (博文街) (已搬遷) 新店位置

大角咀比我嘅感覺一直都係唔太方便，但係我時不時總會嚟搵食，皆因食物選擇真係好多！同朋友好耐無見，佢之前食過呢間覺得好食，中間點揀左呢間分店。環境距離奧運站唔算遠，都好易搵，店舖係長方形設計，其中一邊有D木既裝修感覺有少少日式FEEL。餐牌 酸辣去骨鳳爪 $1 是日$1 特價菜式係酸辣去骨鳳爪，就算係$1嘅份量絕對無兒戲，比到足，炎炎夏日，酸辣鳳爪做頭盤最好不過。 椰青焗海鮮飯 $104成枱都係椰青，份量驚人，堆到好高，椰漿飯一直係我最愛，帶微甜好開胃，海鮮有魷魚、蝦、青口，賣$104真係好抵。 冬蔭公湯底明爐海鮮烏頭 $169 將泰菜必食嘅兩款餸加埋一齊，冬蔭公+烏頭，冬蔭公唔太辣，重椰奶香，另附上一碗可以邊食邊加，烏頭肉多骨少味道鮮，沾上冬蔭公湯更惹味。 椰青 $42消暑必備，隻隻Size都好大。總括而言，好抵食，每日都有$1菜式，人均$200食到勁飽，抵食泰菜。