牛角日本燒肉專門店 (已結業)

我地三個人食下就既七折下午茶時段，大約2點-5點，7折左真係好鬼抵，三個人夾埋都係埋175蚊到，佢點餐個個方式真係新奇又得意，佢係用tablet黎落單，而且簡單易用，我地分別叫左兩個燒肉c餐同一個燒肉b餐，啲野食好快就黎到。燒肉都有兩種汁，一種係燒肉汁，一種係鹽醬，個人就鐘意食佢個鹽醬多D，因為佢係比較咸一啲，送埋佢個牛角飯簡直一流，而燒肉汁就係有少少甜甜地，唔鐘意咁重口味既人都可以試下。至於個牛角飯，其實都係紫菜飯，有D人會覺得好唔抵，因為要加12蚊，但食落其實比白飯係好食D，加上佢係可以任添，所以每次都食到停不了飲品方面就係有杯叫薑味汽水，感覺幾清新，又幾好味。