川館 (大王東街)

營業中

休息中

諗咗幾日，想食川菜，終於約齊人，去咗一間叫「川館」嘅餐廳。呢個地方平時午餐時間超多人，排好耐隊都排唔到，所以點都要收工嚟食一次。我哋叫咗酸菜烤魚套餐，套餐仲跟咗一啲配菜。酸菜烤魚啲魚肉嫩滑，酸菜好爽脆，啲酸菜嘅味道醃製得剛剛好，唔會太酸又唔會太淡。生蠔新鮮，有入口即融既感覺。蒜泥白肉都幾香，蒜味同瘦肉嘅配搭好啱。四季豆煮得鮮嫩可口，炒豬頸肉肉質豐富，口感一流，而且啲醬汁好香。最後仲食咗個冰粉，啱啱好，食完晚餐整個甜品，令成果餐畫上完美句號。呢間川菜餐廳嘅食物好新鮮，味道正宗，而且價錢唔貴。除此之外，佢哋嘅服務都非常好，啲服務員好友善同熱情。收碟嘅速度好快，因為蒜泥白肉嗰個醬汁好好食，我哋食完想留返，服務員好醒目咁幫我哋換咗細碟，好貼心。我諗我好快會去多次。