Amelia Hong Kong

營業中

休息中

味道不錯，但係服務就真係麻麻。無限海鮮任食，不過龍蝦尾同埋蟹腳要佢見到你枱面食晒先俾你嗌第二轉，每轉都只係比三件，應該係因為我哋得三個人。其次主食每次都只可以叫三款，每款嘅份量都只係一人份量，又係要你食晒先可以再叫新一輪嘅三款。再去到其他小食同埋嘢飲用手機落單，每8分鐘先可以落單一次，就算你同佢講唔好意思撳錯掣，想麻煩佢淨係加多一杯嘢飲俾你，佢會同你講「呢個係你哋嘅錯誤，唔係我哋嘅錯。」聽到真係O晒嘴，我都明白唔想浪費食物嘅，但有時用手機點餐撳錯掣都真係難以避免。