影片
更多
2021-10-10
347 瀏覽
黑雨同另一半出沙田食~順便周圍行下，行過見到呢間餐廳裝修唔錯於是決定入去食，因為冇食到早餐所以諗住叫個burger填飽我呢個啤酒肚🥲我哋叫咗個頂級美國牛肉漢堡($98)同英式All Day Breakfast ($98) 跟lunch set送salad，同drinks. 我哋揀咗Fruit tea and lemon tea.首先提下個salad，其實我食到第二啖已經冇食，因為真係咩味都冇。。仲要有小小苦味。💩不予置評。然後講下個burger，其實份量幾有「驚喜」，點解咁講？因為我原先諗咗叫份肉眼食，點知我排緊隊準備買嗰陣，見到有位女士食那個餐。。。我見到塊扒同平時去大X樂見到嘅牛扒一樣，又薄又細又乾，一啲血色都冇，遠望同well done冇乜分別，所以有見及此，我即刻轉去叫burger，心諗應該好難有伏掛。。結果真係還好，burger size夠大，漢堡扒夠厚，整體賣相唔錯👍🏻，係略嫌塊扒有小小乾。芝士同扒嘅比例唔錯，啖啖都食到芝士味但又會太重，而番茄同菜都令burger冇咁乾，整體係有合格分數嘅。😇但對比burger，個All Day Breakfast 就遜色小小，份量有啲細，
我哋叫咗個頂級美國牛肉漢堡($98)同英式All Day Breakfast ($98) 跟lunch set送salad，同drinks. 我哋揀咗Fruit tea and lemon tea.
首先提下個salad，其實我食到第二啖已經冇食，因為真係咩味都冇。。仲要有小小苦味。💩不予置評。
然後講下個burger，其實份量幾有「驚喜」，點解咁講？因為我原先諗咗叫份肉眼食，點知我排緊隊準備買嗰陣，見到有位女士食那個餐。。。我見到塊扒同平時去大X樂見到嘅牛扒一樣，又薄又細又乾，一啲血色都冇，遠望同well done冇乜分別，所以有見及此，我即刻轉去叫burger，心諗應該好難有伏掛。。
結果真係還好，burger size夠大，漢堡扒夠厚，整體賣相唔錯👍🏻，係略嫌塊扒有小小乾。芝士同扒嘅比例唔錯，啖啖都食到芝士味但又會太重，而番茄同菜都令burger冇咁乾，整體係有合格分數嘅。😇
但對比burger，個All Day Breakfast 就遜色小小，份量有啲細，食物味道十分一般，但薯餅唔脆呢個真係小失望☹☹🥲啲蘑菇，「烤」番茄同腸好似水煮咁😵，呢個真係無情講，而多士都唔夠脆。整體而言，成個All Day好似「水煮」咁😭
其實比呢個價錢食lunch，只可以話真係有大把更好的選擇🤷🏻♂️🤷🏻♂️整體食物水準剛剛好合格，不過冇乜性價比☹
頂級美國牛肉漢堡
$98
16 瀏覽
0 讚好
0 留言
張貼
