燒鳥 (已結業)

睇到Hot Gossip 呢排有人講開呢度，今日就一條友走去食個Lunch.其實我經常經過附近，但一次都冇入過去，因為這裡的門口實在幾"up dub"，又經常貼住18蚊一個飯，以前我真係以為佢係由香港人搞，類似屋快餐店咁，同埋周圍外貌比他好的食店實在多的是。叫個串燒飯，包括雞翼兩隻，鰻魚兩件，金菇牛柳卷，仲有個面豉湯，18蚊真係冇乜要求了，d 飯就硬d。發現到老闆有個習慣，就係當佢上d飯時，佢會將預備定的找錢數目放低埋，例如我係18蚊，佢就諗住我一定會比20蚊，所以佢先將兩蚊放低。如果當時少人梗係冇問題，如果多人，分分鐘放低錢行左去唔記得都唔出奇。我後面有三個女士，叫了共$54蚊的食，佢放低左$6蚊後，就走左去招呼第二客，搞到3 個女士都唔知點好！老闆，我真係擔心你一日會送幾多錢比人呀，省埋省埋夠你交電費啦！見老闆好似好可憐咁，一腳踢，又唔係好識講廣東話，大家如果有行開呢個頭，試下食物就當幫下手law,反正咁平，香港好客之道ma!話時話，我今日見唔到佢張電費最後通知單，希望佢已經搞掂啦！