魔術兔曲奇 (已搬遷) 新店位置

我平時好少去銀行中心，今次過嚟拎順豐快遞，經過呢間曲奇店見到裝修超靚，係我最鍾意嘅兔仔，於是入去睇睇。門口隻兔仔好大隻，即刻影咗張合照。見到啲曲奇盒都有好多兔仔，而且係超級少女心嘅粉色系，勁cute!遲啲新年都要買曲奇禮盒拜年，於是決定買一盒試吓，都擔心外表靚但係唔好食嘅話送俾人唔係咁好。點知都幾有驚喜喎，曲奇好鬆化，入口即溶，而且牛油味夠香，同埋價錢都OK。我個人最鍾意咖啡味，夠濃郁。不過都仲諗緊送俾人嘅話可能買呢一種獨立包裝都唔錯