影片
更多
2019-06-27
605 瀏覽
食左第三次，食物質素越嚟越差。一嚟個紅湯同餐包，餐包微波爐叮到熱辣辣，牛油啱啱軟身，非常好食!再嚟個紅湯，oh, 個紅湯真夠淡，溝咁多水慳皮成咁，即刻扣晒分。主菜西冷牛，要5成熟，可惜塊扒質素太差，大廚都唔敢唔熟晒上比你食。呢塊野，筋又多又靱，個靈魂黑椒汁又慳皮溝到差唔多水咁稀，辣度十分不足，最後又左半塊，吐左1/4塊渣同筋.心諗緊我最愛的凍檸茶，上两次叫無失手，點知今次檸檬唔新鮮，茶又太稀，簡直失望到底。三次機會，越做越差，以後唔會再做羊牯了，你賺到我咁盡，賺得一蚊得一蚊，我就一蚊都唔會比你再賺了。有樣野值得讚，係佢請左啲年紀大少少的長者做樓面，雖然佢地唔似做開飲食，但睇得出佢地緊張啲客同細節(緊張自己個飯碗)， 比機會長者就業，即使佢地無咁快手無咁醒目，我都會支持同加分!
一嚟個紅湯同餐包，餐包微波爐叮到熱辣辣，牛油啱啱軟身，非常好食!
再嚟個紅湯，oh, 個紅湯真夠淡，溝咁多水慳皮成咁，即刻扣晒分。
主菜西冷牛，要5成熟，可惜塊扒質素太差，大廚都唔敢唔熟晒上比你食。呢塊野，筋又多又靱，個靈魂黑椒汁又慳皮溝到差唔多水咁稀，辣度十分不足，最後又左半塊，吐左1/4塊渣同筋.
心諗緊我最愛的凍檸茶，上两次叫無失手，點知今次檸檬唔新鮮，茶又太稀，簡直失望到底。
三次機會，越做越差，以後唔會再做羊牯了，你賺到我咁盡，賺得一蚊得一蚊，我就一蚊都唔會比你再賺了。
有樣野值得讚，係佢請左啲年紀大少少的長者做樓面，雖然佢地唔似做開飲食，但睇得出佢地緊張啲客同細節(緊張自己個飯碗)， 比機會長者就業，即使佢地無咁快手無咁醒目，我都會支持同加分!
張貼