北海丼 (已結業)

早排先係度開過餐食左個百幾蚊既丼，因為都覺得ｄ野都幾鮮而且價格符合，整睇幾合心水，所以今次就豪一ｄ，叫佢最貴既招牌北海丼！咁佢叫得招牌既野…亦都冇令我失望，一上檯當然見到份量十足啦，豐富到我要影多兩張ｃｌｏｓｅ　ｕｐ添呀！有三文魚、鮑魚仔、三文魚籽、海膽、牡丹蝦…等等。每一樣都食得出佢應有之鮮味，感受得到個食材係保存得好好。心裡經常有個印象，怕食刺身丼飯貴價唔夠飽，但呢個就真係…味道好，份量足。另外仲有叫左一個沙律同朋友ｓｈａｒｅ食。呢個0係餐牌上真係睇唔出原來係好多料… 本身只係諗住想食d菜所以先叫。點知係意料之外有好多角切既魚生，算係今餐一個驚喜。