少爺18 (已結業)

之前經過呢一間餐廳一直都好想試吓，然後今日就的起心肝去食啦。入到去見到個菜單價錢比我想像中平，作為沙田新城市廣場嘅餐廳來講呢一間都算係咁，食物樣式多樣化，而且味道都唔會太差。我叫咗海南雞飯，一個類似油炸鬼嘅食物，同埋薄餅，仲叫咗一個佢哋推介嘅喇沙。個海南雞無骨同埋有雞髀位，油炸鬼就到脆嘅，幾好食，個人最喜歡嘅薄餅入邊係有肉鬆同埋煉奶，其實都幾飽可以作為一個甜品，咁除此之外嗰個喇沙都好濃味，佢嗰個喇沙有啲似喺新加坡買嗰隻公仔麵嘅喇沙，都幾多料。