卡莎338 (已結業)

點既係比目魚扒，賣相同擺碟好吸引。魚扒外皮煎得好脆身，同軟嫩既魚肉形成強烈既對比，口感豐富，再配埋伴碟香草忌廉汁，令人回味無窮。最後當然要嗌個甜品，為呢餐晚飯畫上完美既句號，估唔到妹仔大過主人婆，甜品更令人喜出望外。我地嗌左個心太軟，價錢只係$38，比出面甜品舖平好多。但即叫即整，上枱時熱辣辣，一叉開流心朱古力好似熔岩流出，苦甜度適中，心太軟外脆內軟，配埋雪糕食又係另一種滋味！更值得嘉許既係店員友善親切既服務態度，依家好少食肆係賣服務，我地坐左近三個鐘都完全無趕客，如果想搵間西餐舒舒服服鋸下扒傾下計，呢度不失為一個好選擇。