聰少甜品 (已結業)

上個禮拜食聰嫂食到好唔gur，今個禮拜男友特登陪我過尖東食聰少見到隔離檯食lee款士多啤梨豆腐花，睇到我蠢蠢欲動。加上最近市面都好多士多啤梨嘅食品，一於試下！餐廳告示寫住士多啤梨係美國入口，可惜唔係咁甜，裝飾需要，只有半粒，😞。上面係似雪糕嘅士多啤梨沙冰，香甜細滑。底層嘅豆腐花雖然豆味唔濃但尚算質感幼滑。唔洗多講嘅芒果奶昔雙皮奶！因為要試新嘢，所以第二款要喺龍眼冰同佢之間掙扎。哈哈！無意中發現聰少嘅芒果奶昔雙皮奶居然定價比聰嫂平$1 🤣🤣 為咗lee $1，不得不試下lee $1嘅差別有幾大。唔怕唔識貨，最怕貨比貨！絕對有過之而無不及。聰少嘅餐具新淨又靚過聰嫂嗰d唔環保嘅一次性膠兜，影相呃like都易d啦～ 另外雖然聰少嘅鋪面細過聰嫂，但位置舒服鬆動好多，最緊要唔洗被安排坐廁所門口🌚🌚 而且聰少有promote，like FB或者scan QR code就有$10 cash voucher tim啵！以後唔去聰嫂度受氣啦～ ✌️