Comma Cafe (已易手) 新餐廳

八十幾蚊一個飯，八十幾蚊一個炒意粉，旺角晚市一般都係呢d價，大家都抱住一般味道就收貨既心態食。點知佢地都俾到咁大「驚喜」。蘑菇雞胸肉意大利飯只見雞絲撈飯，冇汁之餘一上台成碟豬餿咁(相見到飯係濕既，但唔知點解冇味），正宗雞絲撈飯呀喂。煙鴨胸炒意炒唔止鴨胸燶既，炒意粉乾到不得了，仲要咸到冇左味覺咁。上兩碟咁既野個陣個侍應自己都打個突，真係食唔落就埋單，因為kfc仲好食過佢。蘑菇飯人地都係佢既半價咋嘛仲有炸雞食Tim!開放式廚房，張台極近出菜位。煮果個聽到人咁講加見到冇食就埋單都心無歉疚、面不改容，好一個忠於自己。做煮野既（佢唔配叫廚師ok?）做到咁，我地自己煮都真係好食過佢。係旺角cafe食野唔求好味但求合格，唔好食都算，明明個時段出晒菜得一台落單都可以懶得執好少少整碟豬餿出黎侮辱人，其實唔想做不如放多幾日年假唔好攞架黎丟啦！