又一棧 (已結業)

生日有人請食飯，選址又一栈，之前未黎過呀，試吓先﹗3個人，食乜好呢？lunch叫太多又怪怪地，同埋都根本食唔晒吖，唔通叫片皮鴨咩？最後，又比我地發現有個3人餐，至於包括乜嘢，請大家自己看圖識字了﹗成個餐，所有d食物水準都好平均，如果你話要推介，我會介紹個雪花雞蓉官燕，碎燕份量都幾多（以套餐價錢來說），入口好清新，足料。另外，干燒大明蝦個汁真係very good，少少辣，又酸酸地，互相都發揮到功能，誰也不能搶去誰的風頭；最後要推介的即甜品椰汁糕，已經講左好多次，我對甜品麻麻地，不過呢排都真係食唔少。這個椰汁糕，好香椰子味，質感實淨，我諗係椰子比例高，所以唔會一咬就爛，同埋好水咁，所以我都推介。