影片
更多
2013-11-06
5712 瀏覽
早排家人生日,見呢到有不限時放提,由於食前睇過食評,見好壞參半,但價錢相宜就訂枱試下 餐廳環境都唔錯,由於比較早訂位,可以安排卡位俾我地坐 坐低後就有人介紹落單方法,再先有個刺身拼盤俾我地醫肚,呢方面都幾細心! 講下啲食物,刺身種類唔算多,但都幾新鮮,白玉豚同象拔蚌刺身最值得試,但可能人多既關係,點完既刺身都要等大約10分鐘先到 反而佢地壽司同卷物款式都幾多,有隻叫"媽媽魚"既壽司個名好得意,口感都幾爽口幾特別軟殼蟹手卷同大蝦天婦羅手卷最值一試0 因為老人家比較鍾意食熟食,所以和食方面都點得比較多,樣樣都試下先試和牛粒,金菇牛肉卷,芝士焗蠔,青酒煮藍青口同三文魚骨腩,和牛粒半生熟,味道啱啱好唔太濃唔太淡夠入味,食落又無"穌"味,我地Re Order左4,5次,必食!! 金菇牛肉卷味同和牛粒個汁唔同,濃味啲,唔會煮到啲金菇乾晒,唔錯!芝士焗蠔,沙律醬掩左啲芝士味,勝在蠔都算大隻,但食多會膩!青酒煮藍青無青酒味,味道唔突出!三文魚骨腩見枱枱都叫就試下,唔算燒得太乾身,送酒一流 串燒比較印象深刻係雞肉,雞軟骨同腸仔,雞肉同雞軟骨唔會"硬骨骨",腸仔有啲油,但都幾似台灣腸,好味!
由於食前睇過食評,見好壞參半,但價錢相宜就訂枱試下
餐廳環境都唔錯,由於比較早訂位,可以安排卡位俾我地坐
坐低後就有人介紹落單方法,再先有個刺身拼盤俾我地醫肚,呢方面都幾細心!
講下啲食物,刺身種類唔算多,但都幾新鮮,白玉豚同象拔蚌刺身最值得試,但可能人多既關係,點完既刺身都要等大約10分鐘先到
反而佢地壽司同卷物款式都幾多,有隻叫"媽媽魚"既壽司個名好得意,口感都幾爽口幾特別
軟殼蟹手卷同大蝦天婦羅手卷最值一試0
因為老人家比較鍾意食熟食,所以和食方面都點得比較多,樣樣都試下
先試和牛粒,金菇牛肉卷,芝士焗蠔,青酒煮藍青口同三文魚骨腩,和牛粒半生熟,味道啱啱好唔太濃唔太淡夠入味,食落又無"穌"味,我地Re Order左4,5次,必食!! 金菇牛肉卷味同和牛粒個汁唔同,濃味啲,唔會煮到啲金菇乾晒,唔錯!芝士焗蠔,沙律醬掩左啲芝士味,勝在蠔都算大隻,但食多會膩!青酒煮藍青無青酒味,味道唔突出!三文魚骨腩見枱枱都叫就試下,唔算燒得太乾身,送酒一流
串燒比較印象深刻係雞肉,雞軟骨同腸仔,雞肉同雞軟骨唔會"硬骨骨",腸仔有啲油,但都幾似台灣腸,好味!!
至於試左佢地既秋刀魚發覺有驚喜,因為好怕外面多數都有腥味,呢到反而無,配埋檸汁食幾好
炸物食得比較少,係Re Order左2次蝦餅同而婦羅蝦,佢地啲炸物做得幾好唔油膩!
其實仲想試埋啲拉面,不過比較想試火鍋所以留番下次啦!
以放提講火鍋配算多,點左豬骨湯底,食完就開始食甜點
泡芵好入而cream似雪糕好好食!
埋單位位$200到,食物質數又比想像中好,會再黎食!
題外話/補充資料：
反觀熟食上菜比較快,建議邊點熟食邊等刺身
值得讚下待應服務威好,有耐性有禮貌,而且個個笑容滿面,滿分!
(以上食評乃用戶個人意見 , 並不代表OpenRice之觀點。)
張貼