影片
更多
2009-08-02
2 瀏覽
如果"回憶是最好的調味料",那麼,很不幸地"預期"也應該在調味界穩坐第二把交椅.明將任食壽司,實在慕惡名已久,甚麼熱辣辣壽司,大舊飯少少料,污糟辣蹋等統統不敵四十幾蚊好奇心,姑且懷住"最衰咪好似橫街窄巷裡不知名日本料理嘅十蚊三四件壽司咁樣"嘅心態去試食......環境算乾淨企理,坐位唔迫夾,侍應充足梗有一位喺左近,配套合格有餘主角"食物"又如何呢?迴旋帶窒吓窒吓係幾衰相,幸壽司款式多(廿款以上)且補給快,壽司賣相醜怪唔多開胃,但只要勇於伸出隻手唔怕個污糟蓋去拎碟壽司放入口,味道實在好過預期,不是"橫街窄巷裡不知名日本料理嘅十蚊三四件壽司"之流.當然有改善地方,唔期望提升壽司質素到元氣甚至板前,保持現狀已值得還神,只是豉油有冇得轉吓呢?一味死咸幾惡啃!!衛生方面也通過考驗,我個肚就係指標,郁啲就肚痾嘅肚喺食完之後六小時並無異樣,各位可放心進食!!
明將任食壽司,實在慕惡名已久,甚麼熱辣辣壽司,大舊飯少少料,污糟辣蹋等統統不敵四十幾蚊好奇心,姑且懷住"最衰咪好似橫街窄巷裡不知名日本料理嘅十蚊三四件壽司咁樣"嘅心態去試食......
環境算乾淨企理,坐位唔迫夾,侍應充足梗有一位喺左近,配套合格有餘主角"食物"又如何呢?迴旋帶窒吓窒吓係幾衰相,幸壽司款式多(廿款以上)且補給快,壽司賣相醜怪唔多開胃,但只要勇於伸出隻手唔怕個污糟蓋去拎碟壽司放入口,味道實在好過預期,不是"橫街窄巷裡不知名日本料理嘅十蚊三四件壽司"之流.
當然有改善地方,唔期望提升壽司質素到元氣甚至板前,保持現狀已值得還神,只是豉油有冇得轉吓呢?一味死咸幾惡啃!!
衛生方面也通過考驗,我個肚就係指標,郁啲就肚痾嘅肚喺食完之後六小時並無異樣,各位可放心進食!!
張貼