香辣屋 (已結業)

搬左屋之後都好耐無返過元朗啦!我今日同朋友黎到,佢地話帶我去間我實鍾意嘅餐廳,果然!因為我鍾意食辣野呀嘛,佢地同我食泰菜我實鍾意啦!哩間原來就係以前係洪水橋嘅香辣屋,以前成日有經過,不過始終唔係太就腳所以無幫襯過!我地黎到都等左成20分鐘先有位!泰式柚子沙律~生菜墊底,上面有蝦,甘柚,少少洋蔥同蔥粒作配菜~蝦應該係有走過油,不過唔香,口感亦唔夠爽;甘柚好新鮮而且好甜,分量十足;至於洋蔥同蔥粒味道唔太突出;而整體味道都偏淡,唔夠酸亦唔夠辣,配菜的配令口感層次單一,很一般!椰青椰青有啲太老啦,椰青水唔夠甜,而且椰子肉太硬,食唔到...泰式椰汁雞湯~椰汁,雞肉,草菇,香茅,南薑,紅椒,香葉及芫茜~椰汁湯底稍稀,椰汁味不夠濃;雞肉唔夠滑;配料足,香味足夠,我喜歡~馬拉盞炒通菜通菜太老,而且太咸,蓋過了馬拉盞的香味~原隻菠蘿海鮮炒飯~菠蘿,甘荀,蝦,魷魚,肉鬆,飯~菠蘿味好香,菠蘿粒亦好甜,配料十足;但飯有啲太冧所以炒起都唔香口,食落少左啲咬口!總括這頓飯比我預期中的差少少,但以這個價錢還算合理的!