影片
更多
2006-08-13
37 瀏覽
成個商場裝修到反轉晒，跨張到連部電梯都搬埋位，得返小貓三、四間舖，唯獨是馥苑仲有班舊客撐下場，新裝修之後地方明顯細左Ｄ，平民化既抵食套餐不再，再次走返中上級食府路線。老實講，馥苑不論食物質素、待客到環境都比鴻星、東海酒家之流好得多。既然套餐唔o岩心水，不若散叫自由得多，半隻冇骨燒鵝$140，其實有冇骨都係同價，不過去骨同時會去埋Ｄ肥膏，所以食落冇咁肥膩，海味扒節瓜甫$78，簡單得黎又清清地，芒果鱈魚卷$78，因為芒果夠甜，所以想唔好食都難，送糖水，連茶介加一，三條友四舊零落樓，可以試到馥苑既考手小菜，感覺上都幾滿足。服務恰到好處，應收碟就收碟，應添水就添水，座位闊落舒適，食得非常滿意既一餐。
既然套餐唔o岩心水，不若散叫自由得多，半隻冇骨燒鵝$140，其實有冇骨都係同價，不過去骨同時會去埋Ｄ肥膏，所以食落冇咁肥膩，海味扒節瓜甫$78，簡單得黎又清清地，芒果鱈魚卷$78，因為芒果夠甜，所以想唔好食都難，送糖水，連茶介加一，三條友四舊零落樓，可以試到馥苑既考手小菜，感覺上都幾滿足。
服務恰到好處，應收碟就收碟，應添水就添水，座位闊落舒適，食得非常滿意既一餐。
張貼