FRITES Belgium on Tap (已搬遷) 新店位置

一行十二人，黎到依間專食 mussels 既餐廳大點特點，個個都飲飽食醉，盡興而歸！一次過點晒佢有嘅mussels味道，我覺得laksa 就最入味，有隻蕃茄味好出嘅都好好味，不過由於嗌晒所有味撈亂嚟食都唔記得係邊隻，最唔好食係Mariniere ，好似白烚咁。貪得意嗌左 kwak，純粹因為覺得個杯靚。海鮮意粉超級足料，啲蝦好彈牙，不過我已經食咗好多青口啦，怕怕。個 ribs 好好食，食肉獸必選。 呢碟失色少少，冇咩味。Pork knuckle，呢個時候真係已經食到好飽，我諗呢個嘢都好食嘅，有返咁上下質素，但大家都食淨晒。餐廳氣氛好好，大家過了一個愉快的晚上。