原居民 (已結業)

今日約左屋企人一齊去睇演唱會，咁去睇演唱會之前緊係一齊食晩飯先去，所以喺附近預約左一間餐廳，而呢間原居民位於紅磡附近，由餐廳去紅館大約十分鐘左右，所以地理上非常方便。餐廳好有空間感，枱與枱之間有足夠距離，私隱度不俗，如果情人節去都幾有氣氛。每人都點左一份晚餐，我比較喜歡食海鮮，所以揀左：鮮芒果火箭菜沙律用咗新鮮芒果做沙律汁，個沙律汁酸酸甜甜，加埋火箭菜，味道非常之夾，芒果汁可以掩蓋火箭菜嘅青味，而且加強芒果嘅鮮甜，你度前菜非常之特別，大蝦鮮甜就唔使講美國蜆蟹肉大蝦意大利飯第一次食意大利飯，餸仲多過飯，蝦既份量又多又大隻，鮮味又彈牙，拆哂新鮮嘅蟹肉加入意大利飯，更加鮮味，而且食蟹唔使自己拆，非常方便，仲有好多美國蜆，蜆肉好大隻，一啲都唔腥，淡淡海鮮，正！呢間餐廳環境又正，食物質素又好好，服務一流，其實性價比好高，啱晒情人節黎，情人節有多個選擇！