Diletto (已結業)

今日黎到尖沙咀一間裝修好靚既餐廳，餐廳裝修用花草樹木做主題，周圍都有唔同顏色嘅花，就好似一間充滿花既溫室咁，中意影靚相既唔好錯過呢間餐廳喇。龍蝦湯，餐包落完order 之後就有餐包送黎，面包暖暖地外面好脆，枱上面仲有黑醋同橄欖油，點黎食就岩哂。龍蝦湯既龍蝦味濃郁，唔中意面包點醋既可以拎黎點面包。龍蝦龍大利飯個人非常中意呢個飯，真係成隻龍蝦咁上碟，輕輕一開就可以係殼拆啲肉出黎，龍蝦肉質好彈牙，意大利飯煮得岩岩好，唔會太硬，食落有好濃既龍蝦味。安格斯牛扒嗌左五成熟既安格斯牛扒，煎得岩岩好，切開仲係粉紅色，肉質好軟熟淋身，成塊都無咩筋。牛扒上碟既時候仲配左三隻sauce（鹽、芥末、燒汁）個人就中意點少少鹽食就岩岩好。