Big Sur (已結業)

今日夜晚去到中環同朋友食飯，係蘭桂坊後邊嗰條街，所以好多外國人同埋外國餐廳，呢一間餐廳真係幾有美式感覺。佢哋有個女服務員好好人，係咁介紹佢哋餐廳嘅特色同埋食法俾我地。我就叫咗一杯ginger beer（上），朋友就叫左杯monster cocktail（下）。呢個就係烤帶子配青瓜凍湯，個帶子外脆內軟，好有火候😂但青瓜好有趣新奇，真係有新鮮青味，所以完全唔油膩。呢個係鷹豆嘴泥、蔬菜、雞蛋同埋麵包，我自己就好鍾意食個鷹豆嘴泥，因為佢個感覺好清好健康haha，同埋都飽肚，雞蛋同蔬菜就係配菜。係香港我都係第一次食呢個😌所以感覺好特別！終於到我哋嘅主菜，係牛肋骨同埋豬肋骨，呢個真係夠晒兩個人食，加埋BBQ醬，真係好邪惡。佢個牛肋骨係有一半肥膏一半瘦肉，所以每一邊切少少加埋黎食☺️想食肥啲有得食瘦啲都可以，總之牛味好重🤤呢個特色炒飯係混合左三種米，由硬到中硬同埋軟飯都有齊曬， 所以口感好有咬口🤣，見到佢入邊都有啲豬肉同埋菇，加埋佢啲BBQ醬，香口好味，食完呢個都飽啦！但係我哋最後咪都係叫多咗個甜品，嘻嘻。