喜來稀肉 (金巴利道)

營業中

休息中

一向鍾意呢度氣氛好價錢公道，生菜同前菜自助形式，仲好企理。前菜好正！泡菜、青瓜同蘿蔔任食，味道唔係超辣，適中爽口。大醬湯裡面有蝦有肉有大量洋蔥、金菇，味道同日式味噌有d相似，但味道再濃郁d。一定要叫配飯拌食，一羹飯一羹湯就好正。燒肉方面必定order嘅係秘製醃過嘅喜來烤肉同口感實在d嘅牛護心肉，喜來烤肉醃汁比較香甜，烤起嘅肉軟嫩肉香。牛護心肉纖維較多同埋牛味幾重，自取區有任攞生菜，夾埋一齊食仲好食。