影片
更多
2018-07-31
906 瀏覽
去親尖沙咀食日本野，行過啲地鋪格格價，成日都覺得無幾千銀都埋唔到單。經過朋友介紹，得知樓上有間唔錯氣氛嘅日本料理，所以就約咗媽媽放工一齊食飯，慰勞下佢辛苦打理家頭細務。由紅磡到天文臺道8號我諗大概有15分鐘路程。上到去，餐廳環境簡潔，以木材裝修為主，樓頂高予人感覺高尚。但打開餐牌細看，價格又絕非天文數字，最後埋單大概HKD1000，用餐期間嘅服務，以及食物美觀同味道總結，我個人覺得算得上物有所值，價錢合理。首先，二人前有一碟頭盤分別有汁煮八爪魚、炸炸蟹 、辣味蒜。賣相美觀，味道同處理手法都挺日式。侍應指炸炸蟹係新鮮即炸，開房式廚房個邊的確放咗一個缸，裡面係細細隻嘅新鮮蟹仔。而汁煮八爪魚，係觸鬚部分切粒再用甜醋汁煮，入口有嚼勁但唔會過韌。其後胡麻菠菜油揚沙律，一款開胃前菜，菠菜帶芝麻醬味，而油揚即是日本油豆腐，味道帶微甜，兩者夾埋一齊食十分匹配。而豚肉炒苦瓜，材料由沖繩出口，所以苦瓜顏色深啲，凹凸紋亦較為明顯，有別於本地苦瓜，苦味無咁濃；而雞蛋使用日本蛋，相對上蛋味濃厚好多，所以一向唔食苦瓜蛋嘅我都接受到。接住梅刺身四點，分別有深海池魚、金木鯛、平政、帆立貝。個人最鐘意池魚，新鮮唔腥肥美
由紅磡到天文臺道8號我諗大概有15分鐘路程。上到去，餐廳環境簡潔，以木材裝修為主，樓頂高予人感覺高尚。但打開餐牌細看，價格又絕非天文數字，最後埋單大概HKD1000，用餐期間嘅服務，以及食物美觀同味道總結，我個人覺得算得上物有所值，價錢合理。
首先，二人前有一碟頭盤分別有汁煮八爪魚、炸炸蟹 、辣味蒜。賣相美觀，味道同處理手法都挺日式。侍應指炸炸蟹係新鮮即炸，開房式廚房個邊的確放咗一個缸，裡面係細細隻嘅新鮮蟹仔。而汁煮八爪魚，係觸鬚部分切粒再用甜醋汁煮，入口有嚼勁但唔會過韌。
其後胡麻菠菜油揚沙律，一款開胃前菜，菠菜帶芝麻醬味，而油揚即是日本油豆腐，味道帶微甜，兩者夾埋一齊食十分匹配。而豚肉炒苦瓜，材料由沖繩出口，所以苦瓜顏色深啲，凹凸紋亦較為明顯，有別於本地苦瓜，苦味無咁濃；而雞蛋使用日本蛋，相對上蛋味濃厚好多，所以一向唔食苦瓜蛋嘅我都接受到。
接住梅刺身四點，分別有深海池魚、金木鯛、平政、帆立貝。個人最鐘意池魚，新鮮唔腥肥美，口感軟身；而金目鯛由於有炙燒過，所以有微燻嘅味道，入口肉質細膩，油脂適中。平政就鮮味較濃郁，入口比前兩款刺身結實啲且爽口；帆立貝表現較為平常，新鮮肥美帶甜。
未幾再泥一盤串燒拼盆，分別有雞翼、雞軟骨、雞心、 牛肉、雞潤、鵪春蛋、大蔥、露旬。相對上較濃味，所以可以渣一啲檸檬汁上面，會無咁油膩。牛肉串燒得相當不俗，面上一層蒜，入口非常濃郁野味，而且熟透程度剛好，肉質有嚼勁但唔會過韌。
片刻，沖繩豚肉野菜炒麵到達，三色椒令整體賣相更吸引，入口味道極接近日本風味嘅炒麵。稍微了解過日式家庭炒麵做法，所以得知會使用中濃醬汁調味，食得出炒拉麵帶微酸且甜甜咸咸，再鋪面一絲絲嘅係乾紅椒絲，夾住炒麵食就會有極微辣嘅效果，而少許芝麻再令整體香一啲。想試正宗日色炒麵，覺得呢間做得唔錯，可以一嚐。
最後以甜品作結，賣相擺放得十分精緻。白玉丸子配紅豆蓉，兩者十分匹配，如果只單單食紅豆蓉會太過甜，一齊食就剛剛好。而綠色十分特出嘅係芒果分子料理，口感有趣，外面一層包住內裡綠色嘅流心餡，入口係芒果口味，香甜帶微酸，整件事十分新奇。
再總結一次，以上體驗總值大概HKD1000左右落樓，極飽肚。所以與尖沙咀地鋪或銅鑼灣上樓日式料理店嘅價錢相對比下，呢度可以話係相當難得。而且樓上氣氛相當不俗，因此唔洗等周年紀念，個人覺得呢度作平常晚飯都相當可以。
張貼
