蓮香棧 (已結業)

朋友約食去左荃灣蓮香棧， 就在荃灣地鐵旁邊，但是入左綠楊坊反而似迷宮，好難先搵到佢。其實係響二樓同三樓之間果半層，但唔知點解又叫 L1 ?入座後人頭湧湧，平日晚上都好熱閙，似係荃灣街坊的聚腳點。餐具玩懷舊 feel , 茶壺同杯都比較細隻，反而令人有新鮮感。蓮香六大懷舊菜，我地叫左兩樣，分別是香煎蓮藕餠 $88 和雞蛋焗魚腸 $70 。 香煎蓮藕餠 $88， 都算熱辣大份，食到有蓮藕同豬肉，但是味道唔出。比較淡口，要點醬油先得。雞蛋焗魚腸 $70， 真係 n 年冇食過，難得呢到有便叫了。魚腸唔會腥，但冇乜鮮味，雞蛋焗得過熟左，加D胡椒粉會好味D。好大份，食完今次我又再 n 年唔使食。咸排骨大芥菜煲$88 ，食在咁多煎炸油膩野，個茶點都要揀D清淡的。咸排骨大芥菜，苦苦地夠咸夠下火，正呀！咸排骨啖啖肉又夠腍，大芥菜少少苦夠爽，同樣地好大份超抵食。價錢超值，平過茶記同大排檔，好抵食。人雖然多，但都唔會太嘈，唔會趕客可以慢慢坐，幾好。