影片
更多
2023-06-14
156 瀏覽
一上到去就會見到有啲燈籠、佛教元素嘅裝飾，一邊係酒吧，隔壁就係居酒屋。入到去環境好舒適，柔和嘅燈光加埋音樂，超適合約朋友黎傾計飲番兩杯。另外佢地仲有設戶外座位（可吸煙），偏向度假風，每枱都會有風扇，夏天都唔怕太熱。室內都室外完全兩個感覺，打卡一流！呢到嘅Signature Cocktail都幾特別，會有一啲未試過新穎嘅配搭，而且每一季嘅酒款都會轉，俾到新鮮感客人，大家不妨試下。店員亦都好NICE，可以叫佢地推介，即使酒牌上冇亦可以問下可唔可以特調，超讚！Heaven Hana $158★★★★★呢杯絕對係打卡必選cocktail，杯身沾有玫瑰花瓣，加埋淡粉紅顏色酒，滿滿儀式感！味道亦超易入口，即使係酒精初哥都唔怕。呢杯Cocktail個Base係用Sake，加左玫瑰、薰依草同櫻花糖漿，飲落有花香味，再加左梳打，飲落有氣就更加易入口。Yama-tini $138★★★★☆Sake為主要酒精加上Wasabi，超級創新嘅想法，入口先有Wasabi嘅味道，之後再有少少Sake味，因為有Cointreau同蜜糖，有後帶少少果香甜味，中和番Wasabi個辛辣感。飲完呢杯酒有種食緊日本野刺身嘅感覺，
一上到去就會見到有啲燈籠、佛教元素嘅裝飾，一邊係酒吧，隔壁就係居酒屋。入到去環境好舒適，柔和嘅燈光加埋音樂，超適合約朋友黎傾計飲番兩杯。另外佢地仲有設戶外座位（可吸煙），偏向度假風，每枱都會有風扇，夏天都唔怕太熱。室內都室外完全兩個感覺，打卡一流！呢到嘅Signature Cocktail都幾特別，會有一啲未試過新穎嘅配搭，而且每一季嘅酒款都會轉，俾到新鮮感客人，大家不妨試下。店員亦都好NICE，可以叫佢地推介，即使酒牌上冇亦可以問下可唔可以特調，超讚！
Heaven Hana $158★★★★★
呢杯絕對係打卡必選cocktail，杯身沾有玫瑰花瓣，加埋淡粉紅顏色酒，滿滿儀式感！味道亦超易入口，即使係酒精初哥都唔怕。呢杯Cocktail個Base係用Sake，加左玫瑰、薰依草同櫻花糖漿，飲落有花香味，再加左梳打，飲落有氣就更加易入口。
Yama-tini $138★★★★☆
Sake為主要酒精加上Wasabi，超級創新嘅想法，入口先有Wasabi嘅味道，之後再有少少Sake味，因為有Cointreau同蜜糖，有後帶少少果香甜味，中和番Wasabi個辛辣感。飲完呢杯酒有種食緊日本野刺身嘅感覺，順帶一提，雖然要打卡，但襯凍飲味道更好，常溫會難入口。
Arhan $148★★★★☆
超級特別以花鵰酒為主，平時用黎煮野食就聽得多，整雞尾酒真係少聽聞。呢杯酒味會比前面兩杯重手，但入口都唔會好難接受嗆喉，加左青瓜、青蘋果同青檸汁，飲落仲係帶啲清新微酸，越飲越順口嘅一杯。
French 75 $118★★★★☆
右手邊呢杯就比較上Classic，用左GIN、檸檬汁、香檳黎調，味道上偏酸，又唔會好重酒精，比較清爽，加上有香檳，飲落有氣更啱夏天飲！
Gin-Gin Mule $118
★★★★☆
左邊呢杯甜味會比上一杯重啲，但超級清新，酒味同樣唔太重，有青檸汁加埋薑啤，成件事勁refreshing！
日式小食★★★★☆
因為隔離係居酒屋關係，呢到小食都會較特別，有啲日式小食供應，炸物、串燒餸酒一流！而且份量唔會太大份，用黎小酌兩杯剛剛好。
椒鹽軟殼蟹 $88軟殼蟹已經分好細件超方便食，食落超級酥脆，炸物唔會太厚，凍左都唔會淋哂。再外加灑左椒鹽，食落更惹味，超推薦！
鰻魚燒飯糰 $48超級日式，外面甜甜地嘅鹹甜醬油，光到脆口微焦，入面嘅飯就軟糯加埋鰻魚，非常唔錯。
明太子玉子燒 $48一上枱就見到超級精緻，玉子嫩滑度剛剛好，加埋超多明太子，同鋪面嘅超細蔥花，入口勁豐富，趁熱食一流！
日式冷豆腐 $48
入口軟滑豆腐加左柴魚花、嫩薑、紫蘇細絲同埋日本醬油，令到本身平平無奇無味道嘅豆腐有經典日式風味。清爽得黎夠light，但味道豐富，超適合夏天嘅一道清涼小菜。
味淋魚乾 $98唔洗多講，絕對係必點下酒菜，魚乾用左味醂醃後烘乾，超酥脆香口，單食或者點埋沙律醬都一流。
🌟總括：雞尾酒幾特別同創新，有驚喜，小食有水準。環境舒適，適合打卡。同一般酒吧唔同，室內唔會烏煙瘴氣混雜，幾適合女仔黎吹水打卡，絕對會再黎。
張貼
