影片
更多
2021-11-02
52 瀏覽
餐廳門面嘅屋頂、裡面嘅座位、燈光同旁面嘅植物營造到屋企嘅感覺，好似典型日本式家庭餐廳。一入座已經感受到休閒舒適，有親切感。餐枱上餐具餐巾口罩套酒精搓手液整齊放好，乾淨又衛生。坐低一陣，店員就主動推薦菜式，幫咗有選擇困難症嘅我哋好多～【羅文生菜凱撒沙律】可以配烤雞、大蝦或者炙燒吞拿魚。都幾大盤，沙律菜勁好fresh，烤雞係熱㗎仲烤到皮脆，仲有芝士、煙肉粒(厚切㗎～)。【拔絲芝士三重奏肉丸】店員推介嘅前菜，肉丸係用和牛整嘅，半溶芝士同番茄醬，望落好重味但其實味道唔會太濃，三種味道平衡得啱啱好，店員冇推介錯～餐廳嘅招牌菜式日本產黑毛和牛漢堡扒，有四款唔同風味選擇，我哋揀咗【招牌香郁和牛燴醬汁漢堡扒】，醬汁用牛肋肉煮成。 店員介紹漢堡係用百份百黑毛和牛嘅廚師精選部位製成，唔係肉頭肉尾，即叫即整，仲要每份人手搓製。 上枱時係用錫紙包住，切開嗰陣就流出肉汁，味道濃郁感覺好幸福～漢堡扒口感軟綿juicy~【濃郁紅醬意大利麵配香煎大蝦】另一店員推介菜式，「紅醬」以為係番茄醬其實係蝦頭膏煮成嘅醬汁，鍾意食蝦嘅我聽到都流口水。意粉上枱已經聞到濃濃蝦味，食落creamy又鮮味，四隻大蝦好鮮爽，上面仲落咗啲櫻
坐低一陣，店員就主動推薦菜式，幫咗有選擇困難症嘅我哋好多～【羅文生菜凱撒沙律】可以配烤雞、大蝦或者炙燒吞拿魚。都幾大盤，沙律菜勁好fresh，烤雞係熱㗎仲烤到皮脆，仲有芝士、煙肉粒(厚切㗎～)。
【拔絲芝士三重奏肉丸】店員推介嘅前菜，肉丸係用和牛整嘅，半溶芝士同番茄醬，望落好重味但其實味道唔會太濃，三種味道平衡得啱啱好，店員冇推介錯～
餐廳嘅招牌菜式日本產黑毛和牛漢堡扒，有四款唔同風味選擇，我哋揀咗【招牌香郁和牛燴醬汁漢堡扒】，醬汁用牛肋肉煮成。 店員介紹漢堡係用百份百黑毛和牛嘅廚師精選部位製成，唔係肉頭肉尾，即叫即整，仲要每份人手搓製。 上枱時係用錫紙包住，切開嗰陣就流出肉汁，味道濃郁感覺好幸福～漢堡扒口感軟綿juicy~
【濃郁紅醬意大利麵配香煎大蝦】另一店員推介菜式，「紅醬」以為係番茄醬其實係蝦頭膏煮成嘅醬汁，鍾意食蝦嘅我聽到都流口水。意粉上枱已經聞到濃濃蝦味，食落creamy又鮮味，四隻大蝦好鮮爽，上面仲落咗啲櫻花蝦乾，作為蝦迷真係大滿足。
【日本產黑毛和牛厚切牛柳扒】食完漢堡就食同樣係日本產黑毛和牛肉嘅牛柳，一般食開和牛都係食佢嘅油脂，今次呢塊就係fillet，係牛肉之中最嫩嘅部位。食落口感軟滑，肉味鮮甜。調味料有黃芥末、Wasabi同海鹽，我個人就鍾意Wasabi，夠特別味道又夾。
食物美味，溫暖氛圍，難怪住喺香港嘅日本人都咁推薦呢間日本洋食屋，今晚就連隔嚟枱嘅食客都係日本人，而我梗係一定要encore啦！
張貼
