Bischofia by Mood

營業中

休息中

呢間餐廳唔單止有好多美食，仲有運動同增肌人士都可以盡情食用嘅食物，而且餐廳內仲有註場歌手表演，可以隨意點歌同欣賞音樂，真係好滿足個人嘅味覺同聽覺享受。首先要介紹嘅就係佢哋嘅招牌菜式，明太子汁烤三文魚配古斯米。佢哋將新鮮嘅三文魚烤至剛剛好熟，再配上口感綿密嘅古斯米，加埋枝豆、粟米同迷你蘆筍，最後撒上豐富嘅明太子，真係令人食指大動。三文魚嘅鮮味同明太子嘅鹹香完美結合，每一口都帶出豐富嘅層次感，低碳水高蛋白質，非常之推薦增肌嘅人食。另一款推介菜式係蟹肉櫻花蝦香辣蕃茄忌廉冬粉。呢道菜色彩繽紛，令人食指大動。裡面除咗新鮮嘅蟹鉗肉同櫻花蝦之外，亦有車厘茄同迷人嘅香辣味道。配上香濃嘅蕃茄忌廉同彈牙嘅冬粉，味道鮮美而且營養均衡。餐廳嘅飲品方面，我推薦大家試下佢哋嘅招牌飲品「宇宙星塵」。呢杯飲品富含維他命C，有助增強抵抗力同減少心血管疾病，仲有助護眼。佢哋將新鮮嘅芒果、香橙同香蕉混合，再加上杏仁奶，味道鮮甜，主要係香蕉味較重，係一杯健康又美味嘅飲品。