A Tavola Bar & Grill (已結業)

肥雞一直都覺得將軍澳近海邊藍塘傲嘅餐廳係好吸引，嗰度嘅餐廳非常之多選擇，今次肥雞就同朋友揀咗呢一間食多元化菜式嘅酒吧餐廳。呢入到去已經見到幾個外國人好relax咁樣坐喺吧枱度飲緊酒，因為肥雞太肚餓就決定嗌嘢食，而唔係淨係飲酒。首先肥雞嗌咗個MaIn course就係薯條配燒烤醬RIBS，呢度菜已經顯示出去嘅佢嘅水準，豬肋骨入口即溶，啲肉係諗到一時咬扯到落嚟，配埋香脆，薯條同埋沙律菜，中和返油膩嘅感覺。另一個就係香脆雞扒蕃茄意大利粉，雖然比較平凡，但係佢塊雞扒炸到非常之香脆，雞肉淋身，配埋非常開胃嘅蕃茄汁，真心唔錯。最正係佢嘅tiramisu,真係肥雞食過咁多間最好食嘅，咖啡味濃，個糕底唔會浸到林晒。