金坊泰國美食

營業中

休息中

行完街搵野食，揀左去金坊食泰國菜，七點多來到等三張枱，全店滿坐十分熱鬧。睇一睇餐牌，有個二人餐幾抵食，仲有啲特價餸都好抵，揀下食咩先。⭐海南雞半隻點了半隻海南雞，已去骨啖啖肉，雞肉嫩滑，海南雞醬汁酸酸辣辣好惹味👍⭐泰式羊腩煲仲叫咗個羊腩煲，估唔到泰國菜都有羊腩煲食，有泰式或黃咖哩口味，揀咗前者，個醬汁鹹鹹地有藥材味少少辣更香口，羊腩份量唔少，炆得好入味，正👍⭐白飯咁好餸，梗係要叫個白飯啦。⭐班蘭椰汁沙冰 & ⭐椰青再加咗兩個特飲，班蘭椰汁冰微甜有椰香，而椰青冰冰涼涼好清甜，食咗咁多濃味嘢啱曬飲。⭐甜品仲有甜品送添，椰汁大菜糕？幾爽口喎。免加一，兩個人食左二百幾蚊，抵食吖👍