影片
更多
2023-09-16
200 瀏覽
純撐小店 – ep.18 潮醉館大排檔可以話係香港的飲食文化特色之一，如果係九龍想食大排檔，好多時都會諗起深水埗，但其實係荃灣三陂坊附近夜晚都有大排檔，置身現場都幾有氣氛，其中今次要推介一間小店叫潮醉館。潮醉館睇個名就知係食潮州野為主，但同時都有唔同的特色小菜同埋海鮮，今次就叫左鴨旦煎蠔烙、芥末牛仔粒、雪裏紅蝦干芥蘭煲同埋豉油王炒麵。<鴨旦煎蠔烙>食潮州野斷定間餐廳質素，煎蠔烙係最佳的標準。平時每間餐廳都有唔同的做法，例如會較軟檽或者比較脆身。但呢度的煎蠔烙居然可以做到好似Pizza咁，外層係鬆脆的蛋皮，但中間部份就比較檽身，而蠔烙的數目都幾多，證明夠足料。最後，煎蠔烙一定係用鴨蛋，因為蛋味比較濃!<芥末牛仔粒>芥末牛仔粒調味用上芥末外，仲有沙律醬，味道都幾刺激開胃。而主角牛仔粒夠晒嫩滑，肉質唔會鞋，同時夠鑊氣令牛仔粒每邊都煎香。<雪裏紅蝦干芥蘭煲>雪裏紅蝦干芥蘭煲上菜時熱辣辣，芥蘭大大舊夠爽脆無渣，加埋雪裏紅加上蝦干夠晒惹味。而呢度落的蝦干分量絕唔吝嗇，同埋係用上大蝦干，所以食落去「啖啖肉」。<豉油王炒麵>幾時都話最普通
大排檔可以話係香港的飲食文化特色之一，如果係九龍想食大排檔，好多時都會諗起深水埗，但其實係荃灣三陂坊附近夜晚都有大排檔，置身現場都幾有氣氛，其中今次要推介一間小店叫潮醉館。
潮醉館睇個名就知係食潮州野為主，但同時都有唔同的特色小菜同埋海鮮，今次就叫左鴨旦煎蠔烙、芥末牛仔粒、雪裏紅蝦干芥蘭煲同埋豉油王炒麵。
<鴨旦煎蠔烙>
食潮州野斷定間餐廳質素，煎蠔烙係最佳的標準。平時每間餐廳都有唔同的做法，例如會較軟檽或者比較脆身。但呢度的煎蠔烙居然可以做到好似Pizza咁，外層係鬆脆的蛋皮，但中間部份就比較檽身，而蠔烙的數目都幾多，證明夠足料。最後，煎蠔烙一定係用鴨蛋，因為蛋味比較濃!
<芥末牛仔粒>
芥末牛仔粒調味用上芥末外，仲有沙律醬，味道都幾刺激開胃。而主角牛仔粒夠晒嫩滑，肉質唔會鞋，同時夠鑊氣令牛仔粒每邊都煎香。
<雪裏紅蝦干芥蘭煲>
雪裏紅蝦干芥蘭煲上菜時熱辣辣，芥蘭大大舊夠爽脆無渣，加埋雪裏紅加上蝦干夠晒惹味。而呢度落的蝦干分量絕唔吝嗇，同埋係用上大蝦干，所以食落去「啖啖肉」。
<豉油王炒麵>
幾時都話最普通的野係最顯得唔普通，簡單一碟豉油王炒麵反而最有驚喜。份量超多都唔會主要賣點，而係食落去每一啖都感受到鑊氣，麵條又夠乾身同爽彈。而炒麵最佳其實係用筷子炒，能夠均勻地將麵條加上豉油的顏色。
店舖: 潮醉館
地址: 荃灣三陂坊30號地舖
張貼
