影片
更多
2021-05-12
1741 瀏覽
參加左海洋公園glamping-星夜高峰包左一餐4人晚餐係度食。平時去海洋公園掛住玩都無咩機會入餐廳食，更加唔捨得入依間貴貴餐廳，今次機會難得，終於試到😋😋頭盤同沙律正正常常，不過最值得讚佢個沙律醬，係藍芝士醬😍😍果種咸香味同幼滑口感，真係令人忍唔住一食再食。跟住大蝦酸辣湯即係冬蔭公湯，超好飲，少少辛辣得黎好香，隻蝦仲有好多膏，正！主菜個牛就比較失色，無咩牛味仲有d 韌，三文魚柳皮煎得好脆但無咩魚油唔夠香，薯格有d厚皮，但羊就好食，可惜唔夠大份。甜品十分欣賞佢個朱古力，好濃好正，但個馬卡龍就建議唔洗食，一陣假糖味，可惜。整體而言分量足，基本上食到主菜大家都飽左，而且佢d特飲都好好飲。最後我地仲買左枝酒返去飲。
平時去海洋公園掛住玩都無咩機會入餐廳食，更加唔捨得入依間貴貴餐廳，今次機會難得，終於試到😋😋
頭盤同沙律正正常常，不過最值得讚佢個沙律醬，係藍芝士醬😍😍果種咸香味同幼滑口感，真係令人忍唔住一食再食。
跟住大蝦酸辣湯即係冬蔭公湯，超好飲，少少辛辣得黎好香，隻蝦仲有好多膏，正！
主菜個牛就比較失色，無咩牛味仲有d 韌，三文魚柳皮煎得好脆但無咩魚油唔夠香，薯格有d厚皮，但羊就好食，可惜唔夠大份。
甜品十分欣賞佢個朱古力，好濃好正，但個馬卡龍就建議唔洗食，一陣假糖味，可惜。
整體而言分量足，基本上食到主菜大家都飽左，而且佢d特飲都好好飲。最後我地仲買左枝酒返去飲。
張貼
