小火山 (已結業)

最近放假，朋友約咗我嚟呢間小火山食晚餐，嚟到聽朋友介紹原來呢度係食Mookata嘅，Mookata係一種結合燒烤同火鍋嘅泰式料理。當然除咗燒烤同打邊爐，呢度都仲有好多其他款式嘅食物可以選擇。我哋當晚叫咗三味刺身一口杯盛合做前菜，三味包括有生蠔、三文魚同泰式生蝦，每款刺身都用一個小小嘅玻璃杯裝住，入面仲有一啲酸酸甜甜嘅醬汁，望落好精美，食落又好開胃。 食完前菜之後當然唔少得就係開始食Mookata,打邊爐嘅湯底，我哋就揀咗香茅椰汁雞湯同牛骨船湯，兩款湯底都好香好濃郁，啱晒打邊爐。另外，當然唔少得嘅就係打邊爐同燒烤嘅食材，我哋叫咗一個小火山經典泰豬鍋拼盤，入邊有四款唔同部位嘅豬肉，每款豬肉都好新鮮，質量好好👍🏻 另外，我哋仲叫咗一份泰式豬梅花肉片，入邊有兩片好大塊嘅豬梅花肉，呢兩片梅花肉有經過特別嘅醃製，燒完都好鮮嫩多汁🤤除咗燒肉，我哋仲叫咗一啲金邊粉同菜用嚟打邊爐，質素都唔錯！最後值得一讚嘅就係飲品，好少餐廳會真係用原個西瓜去裝西瓜沙冰，除咗個樣好有睇頭，飲落仲好清甜，超級解渴👍🏻Ps: 呢度夜晚七點至九點都會有live band表演，客人仲可以點歌，超正🥳🥳🥳