日熹樓 (已結業)

早前見Facebook有唔少人提及呢間日熹樓既百碟宴，一睇相就已經好吸引，因為有成100碟小菜，非常呃like，於是同公司既同事一齊去試下。當中有北京菜、四川菜同上海菜既食物，雖然話係100碟，不過其實只有40多款，當中有涼菜﹑熱食﹑包點﹑甜品等。例如有水煮肉片﹑羊肉﹑牛肉﹑回鍋肉、醉雞﹑炸蝦等等。味道正常，未算非常突出，不過可能因為要預早上菜擺盤既關係，部分食物凍左，炸物亦唔係太脆。食完當中有涼菜﹑熱食，侍應好快就上包點﹑餃子、甜品，點心既味道唔錯，不過份量都好多，最後大家都係食唔曬。