NEXT Shikaku (裝修中)

平日午市經過，見到對面勝香園同隔離嘅九記牛腩排晒長龍，但呢間拉麵卻唔洗等位。上年6月剛開幕時突登黎食過一次，個白湯勁重蠔味、叉燒勁厚，好記得嗰時仲認為係全港最好食嘅拉麵。依家一年半後再黎試吓，睇吓係咪仲咁高質素，個水準仲keep唔keep到。入座後就已經扣印象分，見到個湯底就咁擺喺度，冇蓋kum住，仲有隻大烏蠅飛黎飛去；作為一間高檔拉麵店，衛生似乎差左d。白湯比我剛開幕黎食顏色深左d，飲第一啖已經冇左驚艷嘅感覺，好普通，係有少少蠔嘅鮮味，但略嫌太咸。叉燒冇以前咁厚，但係好食嘅。隻蠔唔夠蠔味，炸牛蒡ok。埋單近$200，但一d都唔值，希望餐廳改善衛生。下次去發掘其他餐廳算了。