The Point (已結業)

天氣不似預期，放工先落大雨， 本來約好的飯局亦只好取消，換來是一個二人飯局，朋友工作地點在時代廣場，時代廣場食通天餐廳選擇不小，價位中上，但接近糧尾的日子真要慳啲使， 所以朋友提意行遠一條街去到登龍街搵食，今晚食西餐  The Point 來到餐廳時外面下著大雨， 人人都趕返屋企， 咁既天氣出街食飯較著數,  因為一定唔使迫，又可以慢慢嘆。裝修如一貫西餐廳不花巧， 店員都很主動下單、加水，感覺唔錯。  睇下餐牌， 選擇都頗多,  沙律、 意粉、薄餅等意式食物為主。點了廚師推介 $118湯底以蒜片爆香，再加進入牛油、白酒煮成濃湯， 肥大肉厚的大蜆完全吸收了湯香味，隻隻鮮甜好味， 微微辣香更添幾分惹味感。  $124軟殼蟹啖雖然唔太靚仔， 但口感薄脆香口，而且都幾大隻。水波蛋一戳即流心，蛋黃和蜜糖芥末汁混合之後,  香味更濃郁，味道偏甜的沙律醬配沙律菜感覺相當清新,  份量十足。 主菜點了比較小吃到蜆殼粉   $156賣相像家庭式的出品，和牛切得頗大件， 入口軟而不爛、富油脂香、肉味濃郁，紅酒和和牛融為一體，醬汁濃稠適中，讓每粒蜆殼粉也能盡情地吸收濃湯仍能保持彈性， 水準相當不俗。