茶木‧台式休閒餐廳 (iSQUARE國際廣場)

營業中

休息中

茶木間唔中都會食，不過次次嚟到都會有驚喜。今次嚟到佢哋又轉左新Menu，菜式好特別，真係好值得一試。小食帶咗黃金脆炸雞翼，蛋黃味好重，雞翼又炸得好香亦都好多肉，加埋仲有炸到好香口嘅蓮藕片，雖然係炸嘢但係都唔係好油，一定要叫。另外仲帶咗新出嘅乳酪炸雞扒咖喱飯，面頭嘅乳酪汁，好厚身，酸酸地，配埋炸雞扒令到冇咁油膩，而且飯底係撈埋咖喱汁，成個組合好好味，份量亦夠晒多，兩個人分會食到好飽。黎到一定要嗌甜品，今次帶咗佢新出嘅黑炭流心厚多士，雖然切起嚟食嘅時候賣相唔係咁好睇，但係配上流心嘅醬汁，味道好特別，從未試過，厚多士雖然點左醬汁，有啲軟有啲脆，不過真係別有一番風味。