新泰東南亞餐廳 (已結業)

第三次嚟呢度食飯，今次多人啲可以叫多啲嘢食，點左甜蝦，雞肉牛肉串燒，小食拼盤，綠咖喱，薄餅，雞翼，pad thai等等。食得好過癮好滋味。小食拼盤嘅炸蝦餅真係好好味，唔驚熱氣嘅話可以食多幾舊。仲有雞翼真係冇得頂，如果送酒就一流。每次黎都係平日嘅夜晚，但次次都爆滿，可以見到佢哋嘅食物一直都保持穩定嘅水準，而且性價比高，好多回頭客。三次都係食呢間分店，唔知另外一間分店水準係點，有機會都去另一間分店試吓。