板長壽司 (已搬遷) 新店位置

夜晚6:30來到，店已全滿了 ，也只好在店外等候安排。等左成4個字卒之到我地啦 。我地選左好多野食，包括有北寄貝、甜蝦、三文、鰻魚、吞拿魚、蟹棒、芝士三文魚籽壽司等、手卷、温泉蛋蕃茄沙律、炸墨魚軟骨、帆立貝刺身、三文魚生春卷、蟹麵豉湯等。壽司賣相okay，新鮮有光澤，但排得好唔公整，非常亂，失色。而魚材新鮮度、味道overall保持水準 。醋飯握得也算不錯，不會太實不會太散。 手卷上的紫菜已漏氣了，不十分脆 ，但尚可。厚切帆立貝刺身很柔滑，口感一流！温泉蛋蕃茄沙律好味好fresh，沙律以蕃茄、生菜、蟹柳、温泉蛋為主。酸酸甜甜加埋蛋汁香！好食！炸墨魚軟骨麻麻 。無乜特別。三文魚生春卷其實餡料豐富，有三文魚、蟹柳、沙律菜等，但敗筆在塊外皮，軟軟UnUn好古怪又無味，呢個新野下次可以唔試！最後飲碗熱辣辣的蟹麵豉湯，清甜滿足。食物及Service大致滿意，會再來的。