滬揚川上海料理

營業中

休息中

N年前幫襯過，印象係幾抵食，水準還可以，同埋人通常都唔多，唔洗等，估唔到今次黎幫襯， 水準可以跌watt得咁緊要。係點菜過程，聽見唔少人都叫粗炒，睇黎應該幾唔錯，就要碟，其他就要左小寵包、海哲同醉雞。醉雞，酒明顯係上枱前淋上去，揸車既真係要小心，食完吹波仔隨時超標，講返雞，淡淡既酒味搭有既係淡淡既雪味，雞雪到有點硬，亦唔多嫩滑，食左兩舊就放棄既一碟。海哲，爽爽的，只要用上似樣少少既麻油，味道唔會差得去邊，這裡的還可以。粗炒，麵條碎碎的，而家食上海粗炒蓉咩，麵食落亦係粉粉的，究竟係咩麵條，平時係街市買D上海粗麵自己整都唔會係咁樣。平時係唔同地方食上海粗炒，醬油味應該都係重點，這裡只有其色而無其味，真係唔收貨。小籠包，皮粗粗的，當然唔係要好薄皮，不過真係似乎厚左D，餡幾多肉汁，不過唔係太有肉味，很一般既小籠包。凍豆漿少少甜，豆香就一般，亦未算凍。整體食物水準真係below average，係唔收貨的一餐。