峰壽司 (已結業)

29/8放工後,同老公想食壽司,星期五晚,cwb周圍都勁多人排隊等食,拎左板前同峰的飛,板前要等超過200張飛,峰就等80張多d,於是選擇在峰等不過叫得好慢,成日有位都唔入人,都等左兩粒鐘先入得,餓死了好耐之前黎過依度食,食過幾次,覺得水準唔錯,價錢比板前仲平少少,點知今次黎,失望到嘔!叫左:三文魚壽司x2 - 夠凍,但冇乜鮮味腐皮壽司x1 - 普通, 冇乜特別吞拿魚壽司x2 - 外表已經麻麻,因為紅得黎d色好瘀,冇光澤一睇就知唔新鮮,食落等個凍字,冇魚味,應該雪左好耐!熟蝦壽司x1 - 雖然九蚊咁平,但竟然係百佳貨色!飯又好大舊,唔好味!九蚊都俾多佢!八爪魚壽司x1 - 韌過橡筋!老公食到最尾咬唔到要lur番出黎!親子卷x1 - 35蚊,仲貴過板前,不過d三文魚子竟然係咸的!峰玉子x1 - 冇乜特別,monster sushi的玉子燒好味好多!帶子壽司x1 (生0個d)- 同元氣的味道一樣!不如我去食元氣吧 = =北寄貝壽司x1 - 舊北寄貝好細塊蝦天婦羅壽司x1 - 普通火炙鰻魚壽司x1 - 係咁多碟中最好味!不過唔夠熱油甘魚刺身x1 - 35蚊有5塊, 點知勁細塊!! size大