鉅發冰室

營業中

休息中

自從疫情後好耐冇去新發茶餐廳食午餐,今日行過見到轉左招牌,叫鉅發冰室,仲攪緊開張典禮,以為下次先有得食,原來都繼續做生意,地方比以前新發乾淨好多,樓面清一色新制服,十分醒神,樓面大哥招呼我坐卡位,坐位比以前寬敞好多,睇睇餐牌,叫左個會牛脷飯(以前新發都有)同凍檬茶,我個Fd叫左咖哩牛腩飯凍奶茶,牛脷飯D牛脷好厚,好入味,咬落係我鍾意果隻,飯好大碟唔記得叫少飯,凍檬茶甜酸度剛好,茶色夠清,Good,我Fd個咖哩牛腩飯,碟飯又係好大碟,牛腩好多,我食落有D辣,中意小小辣既人會覺得好,奶茶奶唔會太多搶走茶味,睇黎水吧個肥佬係高手來,食完埋單$126,,總結來講比以前新發進步左,睇得出老細有要求同有野心,希望水準可保持,下次會再幫襯。