敏華冰廳 (MOSTown新港城中心(4期))

營業中

休息中

放假訓到勁晏起身，hea下hea下已經夠鐘食tea，去到敏華門口例牌要排隊，同阿妹兩個人一路排一路吹水，時間過得特別快，10分鐘左右就入得，根據我經驗，一至兩位較快有位，所以唔好見條龍咁長就放棄，人少其實唔洗等好耐。我地叫左三樣野share，榨米勁大碗，雞湯底加上香而不太辣ge辣椒油，好食，雞翼雖然浸淋左，但都算香，只係唔夠脆，下次叫佢分上。馬來三叔公咖吔多士聽落好似有d料到，雖然唔知三叔公乜水，但咖吔醬同埋牛油好足料，多士又烘得夠火喉，每一啖都好滿足。菠蘿油都幾大個，上檯時仲有微溫，個皮夠脆，如果再熱d就更好，炒蛋又滑又有蛋香，夾埋個包一齊食都幾過癮！凍奶茶係預製，上檯時無冰，唔驚冰融溝淡晒，茶濃兼奶滑，每次飲水準都一致，絕對唔係某d餐廳流流地ge「奶水」。