車品品小食 (已結業)

依次黎食到食車仔麵,都真係好耐無食過車仔麵喇,雖然講明唔係依到既主打食物，不過都唔會話好差,其實仲幾有水準嫁。今次食左依個魚蛋,豬大腸,雞中翼既油麵。食車仔麵當然要食油麵,總係咁覺得,幾個餸都做得幾好,魚蛋方面,都幾爽口彈牙嫁,豬大腸係出色既,首先夠軟有彈性唔會無哂咬口,最緊要係夠入味,食落就發現原來雞翼個汁都係一模一樣,仲有陣甜味好正,而豬紅就唔會一夾就散,夠實又有少少咬口,都算係唔錯！至於依個干邑紅燒吉品鮑就真依到既推介食品。吉品鮑魚個賣相好靚，個樣子已經夠吸引，一睇就已經想一啖食左佢,用筷子食吉品鮑都真係第一次,咁貴既野竟然咁樣就食到,感覺真係唔同,依個吉品鮑做得非常彈牙，質感都好好,好有咬口。個醬汁又係出色佳作,甜甜地,果然係一個好配合。