California Pizza Kitchen (已結業)

有一段時間無來過呢度食，呢日再專登黎食。原本諗住book位，點知早一日book都book唔到，所以最後就變左去到先等位，好彩等得唔係好耐。我地叫了一個甜腸批，春卷，同最後叫了個朱古力香蕉蛋糕。個甜腸批就幾普通，D腸仔切到好似臘腸片咁，咸咸甜甜，賣相其實就唔太討好，但係都ok好食。春卷有兩款，墨西哥式同法式，配的醬有紅色蕃茄醬同綠色只覺係帶菜味的醬，兩種春卷都好食，醬就蕃茄好味D。最後的朱古力香蕉蛋糕就最好食，中間有香蕉肉，同朱古力醬，蛋糕旁劃上了朱古力和香蕉糖醬。都算係滿足的一餐。